**(فك يا فكيك ** بقلم حسن المصرى**

(فك يا فكيك )
اعمل حضرة ف عود كبريت
تيت تيت
الواد راح يخرب البيت
والبيت بقى عالى عل الحيط
والحيط واقف على نظرة
والنظرة عم تطرح ثمرة
والثمرة مش جاية بكرا
وبكرا راح يلعب بينا
ونقول يالطيف ارحمنا
دا امبارح لسة قدامنا
وعنينا بتثبت ف مكانا
ومكانا مثبت ليالينا
وليا لينا بتكتب غناوينا
وغناوينا صابحة مندية
والطبخة هى الملوخية
والملوخية صابحت حامضة
ناكل ونقول اكلة هنيا
اة يا سلام لو فية تسقية
نفضل قاعدين ع الطبيلية
ناكل. نملى كروشنا حاجات
ماحنش عارفينها منين جات
ناكل ونقول ملناش دعوة
ما هو كلنا بنروح الدعوة
والدعوة صبحت مقبولة
ناكل ونبارك ونهيص
بركة ام ابونا الغولة
والملوخية راحت حامضة
وام اخونا وقفت صامدة
تناضل تاكل بطننا حامضة
نبلع نشرب من الملوخية
بطننا راحت شربة تلوء
قمنا واقفين ندعى امين
ينصر اخونا عليين
ماهوحببنا وحامى رايتنا
وهو اللى مقوى عزيمتنا
ودايما يضرب بادينا
ويطرح على طول ف غناوينا
ادعوا معانا وقولوا وغنوا
وصاحب الهيصة
واقف يضحك
يدربك ب رجلية ويظاطط
يقولنا دايما تدعولى
لانى ساعدكم وانا نبوتكم
ولوفى مرة راح امشى واسيبكم
ابورجل مسلوخة راح يحرءكم
ادعوا بسرعة وقولوا وغنوا
واحنا تملى نكون حافظين.... نشيد الدعا ونقول امين
تحفظ لينا عم ابونا
وتبارك لينا ف ام امين
امين.....
............................
توقيع
حسن المصرى