** مصر فوق الجميع . ** بقلم الشاعره / مياده عبد العزيزوالشاعر / محمد خيرى**

سيجال غنائى بين الشاعر المتالق دائما الاستاذ محمد حيرى .... وبين الشاعره مياده عبدالعزيز ......
.................................................................................................................................................................................................
................... مصر فوق الجميع . .....................................................................
الشاعره / مياده عبد العزيز
.................................

مهما كان الحلم غالى
بالدم م رح نسيبه
مهما كان النجم
رح نعدى رح نجيبه
ايوه ده حلمك يا بلدى
حلم ابويا وحلم جدى
مستقبل ابنى وبنتى
اللى بيكى وليه هاعدى
.......................................

الشاعر / محمد خيرى
............................

مهما كان الليل طويل
الهزيمة مستحيل
يخلص المشوار في خطوة
حتى لو كان الف ميل
.........................................
الشاعره / مياده عبد العزيز
.................................

مهما عشتى ف الصعاب
مهما شوفتى من عذاب
مهما شوفتى الحلم غالى
وشوفتى يوم املك سراب
انتى جوه دمى تسرى
انتى ليلى وانت فجرى
انتى عزى وانتى فخرى
انا ابنك وانت قدرى
م الهموم بيكى هاعدى
مش هاسيبك يوم يا بلدى
شرفى انتى وانتى عرضى
لما انادى واقول يا ارضى
انتى وطنى وانتى فرضى
.........................................
الشاعر / محمد خيرى
...........................
السواقى لسه دايره
يابلد تروى القلوب
والحكايه مش هتخلص
مهما كان فينا عيوب
حق بلدى وحق ولدى
بكتبه في كل الدروب
بكرة أخوه ياخد بتاره
ويجبر العاصى يتوب
......................................
الشاعره / مياده عبد العزيز
.................................

السواقى دايره تروى
وتسقى الزرع اللى مات
رح نبنى فيكى يا بلدى
ونعوض كل اللى فات
القلوب االطاهر واقفه
مستنيه الاشاره
بكره ايامك هاتحلى
مهما شوفتى من مراره
الامل ف عيونا بافى
مصر يا ام الحضاره
انت نور للعالم كله
انتى قلعه المناره
............................................
الشاعر / محمد خيرى
...........................

الشهيد في حاضن ترابك
بعد ما ضحى عشانك
مات صحيح يامصر لكن
اتكتب اسمه في كتابك
ربنا رافع مقامه
اكمنه ضحى عشانك
..................................................
الشاعره / مياده عبد العزيز
.................................

دم ابنك بينادينا
دم حنا والا مينا
دم سالى والا نادر
نادو قبطان السفينه
ايوه نسر م النسور
حواليه الحمام يدور
رد الضربه كات قويه
داعش رح تلبس جلابيه
فيها دم يملا البحور
دم المصرى الحر غالى
كله ليه يا مصر دور
مصر ذى فوق الجميع
مصر النيل و يا االربيع
حسنها الغالى البديع
مخليكم واقفين طابور
..................................
الشاعر / محمد خيرى
...........................
كل نقطة دم نزلت
ع التراب كتبت تاريخ
كل ايد رفعت راياتك
قس حتى والاشيخ
كلنا وطنا حبيب
كلنا لا يمكن نسيب
أى شبر يضيع فى ارضك
السما تثور ليه صريخ
.......................................
الشاعره / مياده عبد العزيز
.................................

عمرك يا يا امى الحبيبه
ما فرقتى بين ولادك
ملسم والا كان مسحى
دايما فاتحه لينا بابك
ام دايما حضن دافى
مهما شوفتى من ولادك
انتى الوطن وانتى المرسى
والقلوب اللى بتنسى
بس انتى اغلى دره
بين العرب تاريخك و قصه
ف حضتك يدفا البردان
اسمك ده بيمحى الاحزان
فوق كل خاين اه وجبان
يا مصر يا ام االاوطان
يا امى انا فدا ترابك
انا من ولادك واحبابك
دايما بتفتحى لى بابك
مهما عانيتى من الحرمان
.................................................................................................
مع خالص تحياتى واحنرامى للمبدع المتالق دائما استاذ محمد خيرى الذى شرفت بالعمل معه فهو قمه من الاحترام والفن والحرف الذكى
تحياتى للغاليه مصر ولكل مصرى حر شريف عاش لمصر ومن اجل مصر