الشاعر محمد عبد القادر
وحشنى الليل
وحشنى الليل وأنا جنبك
وشوق على شوق بندهلك
وأتوه فى عنيك وألاقينى
بقول لزمانى على مهلك
إسبقنى كمان وفوقنى
وخدنى معاك وتوهنى
فى بحر عنيك وغرقنى
وهاتلى الموج على كفك
وحشنى الليل
وحشنا كتير وبقالنا زمان
ماشفنا النوم ولا النسيان
وهربت كتير من الأفكار
أتارى الشوق مالوهشى مكان
وبيجى الفجر و تسيبنى
ونار الشوق بتندهلك
وحشنى الليل ...
صبرت شهور وتاه أملى
حاولت أنساك نسيت عقلى
أتارى هواك أمل عمرى
وعمر جديد بيندهلك
وطال الليل وغلبنى
وعقلى ياخدنى ويجيبنى
وأخصمك والخصام يقوى
وألاقى هواك يغلبنى
وأحبك أد ما بحبك
وحشنى الليل ...
..:*:... الشاعر محمد عبد القادر ...:*:..
19/2/2015
