كلمات الشاعر عبدالواحد محمد " متعيطيش "

,,,,,,,,,,,,, متعيطيش ,,,,,,,, كلمات عاميه ,,,,, بقلمى عبدالواحد محمد
................................
متعيطيش ولا تحزنيش
وأن مره يامه الحزن جالك لمى
الرحال متقربيش
ياله أقلعى لون السواد
ياله أفرحى ومتحزنيش
...............................
أنا دمى سال غطى الرمال
وفرحتى مليه عيونى
والروح فداك ياوطن علشان تعيش 
أمانه يامه تفرحى 
ولا تحزنى ومتعطيش
...........................
أنا الشهيد والقبر نور 
مالى الصحارى بالعطور
شاقق فى عز الضلمه نور
وزرعت قمحك يابلد نا
علشان عليه الناس تعيش 
...................................
أنا موت مكتوف الآيدين 
عينى بتدعى ربنا ومتغربين
الأنف ماليها الشموخ ميهمنيش
بسكينه دبحو حلمنا حرمونا نسنا 
وأهلنا والأنتقام من ربنا
بالميه خلطو دمنا ضاع الأيمان
من قلوبهم وخلاص مافيش
...............................
يابويه ليه تلطم خدودك أيه 
يعنى يوم تفقد وليدك 
والدمع أبدا مش راح يفيد
فداك أنا وأنتى تعيش
.......................................
وداع يافلذة كبدنا أنعم بجنه ربنا
والحور جزاء الشهيد ويارب بكره تضمنا
نجرى ونفرح بالزهور والنخل
تمره عليه نعيش
أمانه يامه تفرحى متعطيتيش
.......................................
ليه سؤال ياوطن ليه الولاد متبعترين 
والدمع مالى عيونهم والفرح 
ضايع وغير الحزن من لاقيش
القمه بنكلها بأهانه وفى 
الموانى دورين وعند غيرنا مانسويش
والنبى يامه ما تحزنى ومتعيطيش
.........................................
كلمات الشاعر 
عبدالواحد محمد