بين الدعوات بقلم / عادل الشهابى

بين الدعوات
بين الدعوات فيه دعوتين مهمين ....
دعوة إنسان مظلوم وتانى يتيم .....
دعوة إنسان جت الناس عليه والسنين ...
إنسان الكل عاوزه يعيش حزين ....
ربه وعده هينصره ولو بعد حين ....
دعوة وبتهز السبع سماوات ....
سيبوا اليتيم الله يعينه على يتمه ...
فيه اللى أبوه سابه واللى سابته أمه ....
ملقاش حنان من خاله ولا عمه ....
وكل واحد منهم مشغول بس بهمه ....
بلاش نيجى عليه ونظلمه ...
ولا بأسأه باللسان نكلمه ...
دعوتهم مفيش بينها وبين ربها حجاب ...
لأنهم محرومين من الأهل والأحباب ...
وفى الدنيا أتخلوا عنهم جميع الأصحاب ...
الأغراب سابوهم والقرايب قفلوا فى وشهم الباب ...
يا عينى على دعوه المظلوم ....
اللى دايما محوطاه الهموم ....
ومن مطب لمطب مش عارف يقوم ...
ظلماه الناس والسنين ...
مبكيين عنيه ومخليينه دايما حزين ...
مش عارف يروح فين ولا يشكى لمين ...
ربه كلمه فى آياته أشتكى ليا ده أنا رب العالمين ..
وعزتى وجلالى لآنصرنكم ولو بعد حين ....
وهما دول أصعب دعوتين ...
بقلــــــم:عــــــــادل الشــــــهـــابى