عبدالواحد محمد " الحزن اصبح ورى كل باب "

,,,,,,,,, الحزن اصبح ورى كل باب ,,,,,, عامى ,,,,,,,, بقلم عبدالواحد محمد
ملعونه ياكلمه السكوت 
معلونه ياكلمه الأهات 
المر علق ف الحلوق 
علجم وباقى من الممات
الولد مات راح ع السكات 
كان حلمه لقمه عيش 
يغمسها بملح ماهش رغيف
ممكن فتات
حمل رحاله وراح وهاجر زى طير
يبحث عن العيشه الهنيه
بس القضيه مش كلمتين فى قعده
وكل واحد يقوم يروح وينتهى الحكيات
راح الولد لبلاد مليها الخير بس النفوس 
هيه الرضيه حبه الأزيه فى يوم وليله 
صار ماضى زكرى وقلنا عنه الأهات
زى الجزور بيندبح والدم يتخلط بميه
واحد وعشرين مغلبين على أمرهم 
متكفين مالخلف لبسين بدل لونها 
دماهم الذكيه رفعين جبنهم للسما 
بيطلبو من الله الثبات
انا الحزين عديم الفرح سكنت عيونى الدمع 
وجوى قلبى وطنت أهات
بقول سؤال ليكى يابلدى من وجعتى 
ليه يابلدى ديما هنفضل رحلين 
من مينا لمرسا متغربين الدموع سكنت عيونا
والدمع رافض النزول والدمعتين متحجرين
ليه يابلدى نسيه أنى والله أبنك من ترابك 
وجسدى أرضك مخلوق من طين 
ليه يابلدى عشت غريب ومت غريب 
ومن الحبايب أنحرمت وهما منى محرومين
أه أنا اللى دمى بحتروه جوى ميه البحار 
أه أنا الجزور اللى أندبح من غير سبب 
وبات حبيس الموت بس النتيجه رب العباد رحمنى 
من التعب ومن الأنين 
من جوى قبرى بقلكم زيدو فعذبهم كملو 
الضربه تبقى ضربتين 
أنا صعيدى خدو بطارى للأجل ما أرتاح وأعرف بأنى
ليه قيمه مش نعت ومنهوب من ولاد الئيمه 
يابويه اليله أنصب عزايه أخواتى أخدو بطارى ولسه 
بكرى طلعتين ويارب نفضل مكملين 
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر 
عبدالواحد محمد