فى حب مصر :
إلى مصر .. وكل من عشقها .. وأحبها ..
إلى الحاقدين .. وكل من يحاول أن يكسر قلبها ..!!
هذه هى قصيدتى الخامسة : ........ مش ديه بلدنا ..!!
5 – مش ديه بلدنا ..!!
مش ديه بلدنا .. أزاى أخرّب فيها .. ؟!!
مش ديه حبيبتى .. لازم أحافظ عليها ..
بدل ماأهديها وردة .. أبّكى عينيها .. !!
بقى معقول كده .. أمى بتنزف دم ..
بعد سنين الغم .. بعد سنين الظلم ..
بدل ماأخد بأيدها .. وأشيل جبال الهم ..
أسيبها ف الدوامة .. والدنيا تلعب بيها ..
مش ديه بلدنا .. أزاى أخرب فيها ..؟!!
********
ياشارد عن عيلتنا .. وبايع حبنا ..
ليه بتهد بيتنا .. وبتجرح قلبنا ..
سيبك م اللى كارهنا .. وف ضلمة واقف لنا ..
وشيطان واخدك وماشى .. بعيد عن حلمنا ..
أحنا اللى بنينا ماضى .. خلد أسمنا ..
وأحنا اللى هنبنى حاضر .. بأرادة ربنا ..
مش ديه بلدنا .. أزاى أخرب فيها ..؟!!
********
هأسامحك ع اللى فات ..لو نادم ع اللى كان ..
أتوضى وأرجع تانى .. للأهل والخلان ..
نكمل الصلا .. وندعى ربنا .. يسامح الغلطان ..
وبقلب عيلة واحدة .. نعلى ف البنيان ..
مش ديه بلدنا .. أزاى أخرب فيها ..؟!!
د. محسن الشرقاوى
ومازال للحب بقية ..!!
ومازال للشعر بقية ..!!
