يادنيا بقلم / أحمد صبرى

احمد الفنان

-يادنيا
احمد صبري

كتير يادنيا بتظلمينا
تعلمينا معنى الشجن
جوه السنين تتوهينا
تغربينا بلا وطن
كام طير بطل يطير
كام حلم فيكي اتسجن
لو يوم كان فيكي خير
بيجي الشر زمن
اه يادنيا من لياليكي
واللي فيكي جرالنا
لا يوم صعبنا عليكي
ولايوم ريحتي بالنا
بتمنعي الفرحة تكمل
وتكسري باقي امالنا
تعذبينا واحنا نقبل
تحرمنا من عيالنا
هو ده يادنيا طبعك
ولا ملناش نصيب
رميانا في مواجعك
لا صاحب ولا حبيب
نحلم نرجع عيال
صحيح احساس غريب
ده حكم مع الاشغال
سجن الحياه تاْديب
يادنيا ايه الحكاية
لامتى راح تتعبينا
والله تعبنا بكفايا
امتى لحالنا تسيبينا
جوانا كتير شايلين
ومين بيحس بينا
م الدنيا وم السنين
حالنا بيصعب علينا