مفيبش حداد
============ بقلم عونى هشام
مش هاقول اليوم حداد
مش هاقول اليوم عزا
القلم خلص مداد
والدموع ملهاش عزا
التوحد بينا زاد
مسلم مسيحى مش كذا
ومش هاقول قبل الميعاد
ان بكرا فيه كذا
كذا بقولها فى الف حاجة
والف حاجة دى اكيد
احنا مش عايشين فى غابة
صبرى طف بالمزيد
والمزيد نفذ فى صبرى
ومش هاقول تانى واعيد
الكلام هنا بس حصرى
الفعل لازم والوعيد
انا بجذورى اصلى مصرى
مسلم مسيحى مش بعيد
والبعيد انى ابقى نايم
ودمى سال من غير تمن
التمن لازم اشوفه
وابعد الحزن وظروفه
نفسى افرح يوم واغنى
نفسى اعيش لو يوم فى عيد
وعيدى هايكون فيه اغانى
لما حق اللى انقتل
احس انه فى ايدى جانى
بالقصاص مش هابقى جانى
الغدر خد منى الامانى
لكنى فى قوة حبل
وعندى مكر ما يحتمل
وبمكرهم هاقضى عليهم
ونرجع البسمة بامل
عايزنى احزن تانى لا
شبعت من لبس الكفن
بالهمة والعزم بقولها
لازم نعيد هيبة الوطن
لازم نعيد هيبة الوطن
----------------------
ولا عزاء الا بعمل رادع لهذه الفئة الضاله
=================
\\\ عونى هشام \\\
·
