حضرة المحترم ....قلبى
كفاية ملامة ...وانت السبب
استحملت لك ياما إهانة وعتب
حبك عوالة..وبتغوى القوالة
وأشعارك دلالة ...
إثارة شغب
بتشكى العيون...وبتغوى الجنون
حتى الصوابع ..عوادى الحطب
روحى للهوى هايمة
ومعدتى بالجفا صايمة
نسيت شهور الصوم حبيبى
فيك بعد رمضان بصوم رجب
مطاوعاك فى الهوى روحى
عشقت معاك نغم حنينى وألم نوحى
جف اللسان وحلقى من مرار بوحى
وبيقولوا أشعار الحب شرارة لهب
حضرة المحترم قلبى
كفاية للروح ملامة
استحملتك كتير وسمعت لك ياما
شربت كاس الصبر فى هواك
خايف حبيبى تسقينى كاس الندامة
وانا كل طريق فى الحب
سبتلك فيه ذكرى وعلامة
وبقايا شوق مرسوم جوانا وانكتب
وعجبى
خالد العطار
·
