خنقتينى بقلم / وليد المصرى

خنقتيني

..

بغيرة عامية وحب ظالم

زي الطوفان من قوته ـ بحاول أهرب ـ

ولما أفوق بتغرقيني

..

خنقتيني

..

حرام عليكِ ارحمي

عايز أعيش ... !

عايز أرجع بسمتي

لو بالفراق ما يهمنيش

عايز أشوف النور بعيني

وكل أما أبعد ... بتقربيني !!!

..

افهميني !!

..

الطير خلاص مل القفص

انكسر جناحه ومبقاش أليف

ماهو عاش كفيف .. !

شال التراب عن دنيته وهيعيش نضيف

..

من كل قلبي ابعدي ...

خلِّي الفُراق من غير كلام

وبلاش يكون قاسي وعنيف ؟

..

ابعدي ... !

..

وليد المصري