جارى التحميل
استخدم زر ESC أو رجوع للعودة
بنت مصرية
بقلم ابتسام عوض حسن
أنا بنت مصرية
وفى قلبى
أحلى حورية
وبعشق الخضرة والمية
عيونى لمحة من نيلى
حزنى حتة من ليلى
ودمعى بتسكنه هيه
ما بخافش أقول وأبوح
وشايلاكى فين ما اروح
يا مصر يا غنوه عربية
أنا بنت مصرية
وحلمى تكبر فروعك
ويفرح طير برجوعك
تسألنى أقول جاية
ما أنا فى الأصل مصريه
أقوم فى الفجر أدعيلك
وأستحمل ما أقولش الأه
يمكن ينجلى غيمك
وتصحى فى أحلى صباحية
أنا بنت مصرية
بفتحلك بيبان الفرح
وتكونى فى أعلى صرح
واغنى بلدى حرية
ألململك خيوط الشمس
وأغزلك حنينى همس
أجيبلك طرحة بدوية
يا مصر يا حاضنة الكل
فى ربوعك
أنا عاشقة لموضوعك
بأعلى صوتى يا أبية
أقول أنا بنت مصرية
