عبدالواحد محمد " ضربت حظ "

,,,,,,,,,,,,,, ضربت حظ ,,,,,,,,,, عامى ,,,, عبدالواحد محمد
أه يادنيا كالرحايه مدوخانا
يوم فرح وألف دمعه فيوم بكانا
الحباب كانو فحضنى
فلحظه صبحو مش معانا
أه يادنيتنا الغروره وخده بكره
سفرتى بيه وبعد يوم رجع أسانا
زى ضربة حظ عشتى كل يوم
الفرح يظهر كطيف الشمس فشتانا
والدموع تيجى بسرعه ومبكيانا
الولد طرح الزمان بينقطف زى ورده
فى ليله ضلمة زودت النار جوانا
أه يامراره سكنه حلقى من زمن
أمتا معاد الرحيل وتفرقينا
والدموع ترحل معاكى
وتبقى زكرى ساعات مضت من ماضينا
كل كلمه وراها أه والأهات عندى كثيره
جوى رملك يابلدنا أندفن نور عنينا
الولد رحل خلاص وأنطوى زى الورق 
اللى معانا
والدموع سكنت عيونى والسعاده كتير علينا
لو فيوم تسعد يابكره وأنتى جاى
والحبايب اللى باقى يبقى حى
كنت أبقى كسبت ضربه العمر الكبيره
لو زهورك ياوطنا يذيد بهاها فى كل شبر
والربوع تخضر ورمالك على أرض سينا
ولايرجع التاريخ لأيام زمان لجدى أحمس ولا مينا
ولا كليبوبترا الجميله 
والمعابد والأهرمات ومجد الجدود لسه خيره 
منور زمانا وليالينا
أه يايومى نفسى أنسى دموع عيونى ولو ثوانى
والفرح يرجع وبلدنا تبقى لينا
بيسؤلو المدبوح ليه بيصرخ ولايبكى ويقول أهات
كل الحكايه الورود بتنقطف قدام عنينا
والنهايه ياوليدى مع السلامه ده نصيب 
والرحيل والأسى مكتوب علينا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر 
عبدالواحد محمد