محمد قنديل " سؤال عسير "

سؤال عسير

============
للى يقتل وإللى يدبح
وإللى يحرق الًاسير
وإللى ماشى فى ركبهم
وإللى راضى بشرعهم
وإللى قابل بالمصير
فهمونى يا خلق هوه
ليكوا رب بتعبدوه ؟
إى دين بتأمنوا بيه
إى شرع بتتبعوه
أنهى مله وعهد ليكوا
فين كتابكوا ؟ مين نابيكوا ؟
إحنا ديننا فيه سماحه
قال تأمنوا .... تكفروا
القرار سابوا بإيديكوا
إحنا ننصح بالفضيله
نبعد إحنا عن الرذيله
إدعوا للعاصى بهدايه
هو عالم بيه وبيكوا
وإن منعتوا الرحمه قولوا
وإن لغيتوا التوبه قولوا
وإن عقولكم حجرت
يبقى جهلكوا منكوا فيكوا
وإفهمونى
مش ها تقدروا تحكمونى
مش ها أسيبكم تنهبونى
وإن حاولتوا ترهبونى
تقهرونى .... إقتلونى
دمى لعنه وذل ليكوا
روحى بإيدين إللى خالق
وانتوا عندى طظ فيكوا
محمد قنديل