**حرف (م )**بقلم / محمود عبدالله

حرف (م) 
لما كنت بقرا كتابك كان كتاب عزفه حزين
كنت عايز بس اعرف سببه مين
فضلت أدور بين سطورك عرفت انه حرف (م)
(حرف ناقص من ديوانك خد معاه كل الورود )
....................................
كنت حاسس اد ايه جواكى نارك
والدموع سكنك وجارك 
حزن عشش جوه دارك
(وان هى حته منك بس عبرت الحدود)
.......................................
صدقينى كنت حَسك 
كنت سامع صمت حِسك
كنت شايف بين عيونك 
(دامعه حايره عايزه تنزل على الخدود)
................................
كنت سامع قلب يصرخ الف صرخه بالسكوت
صرخه توصل للضلوع تقسم وتشرخ حد موت
تنزل دموع تتوضى بيها تكملى بيها الفروض
(صرخه لكن كان وجعها اقوى من مليون بارود)
.................................
حرف ميم غيرت حياتك
ذاد اهاتك هان سكاتك
سر حزنك طوق نجاتك
(خلا دمعك دمع يحرق اقوى من اعظم وقود)
.........................
حرف ميم لما تفتكريه بتبكى
يبقى نفسك عنه تحكى
وغصب عنك تيجى تشكى
(الف اه بين ضلوعك فجأه تعلن الصمود)
................................
ايوه كانت حته منك وعارف انك مش جماد
ايوه حاسس صوتها فيكى صوت بيجى بدون معاد
قومى شدِ كفوف ايديكى كلنا معاكى فى حداد
(وكل واحد فينا يدعى ..دعوه صادقه فى السجود)
..........................
صدقينى كنت حاسس اد ايه جواكى نارك
والفراق سكنك وجارك
حزن عشش جوه دارك
وان هى حته منك بس عبرت الحدود
بس عبرت الحدود
كلمات محمود عبدالله

الرائد محمود‏شعراء ضد الإرهاب والتخريب حملة يطلقها ثلاثي أضواء الإبداع الشاعر أحمد التب