مجلة ليالي الشوق الالكترونية
إغسلي بالدم وشك
طهري رجس الشيطان
وإضربي وبﻻش
بإيدك طبطبة
علي كلب خان
النهاردة صدقيني
هو دا وقت الختان
تار وﻻدك
لسه ما جه
صدقيني دول
جلودهم م السماجه
دول يبيضوآ
ويفقسوآ
حتمآ ديابه
ما كفاية يا مه
طبطبة
دول مش غﻻبه
إغسلي وإطهري
من دي الجنابه
حني كعبك
ويآ كفك
دمي ليكي
صك دفعه للعبادة
أيوة جاهز
وف طابور الصبح
واقف بالبيادة
أيوة مستني البروجي
بس يضرب للشهادة
لو عشانك
بس أموت
أبقي غايه
في السعاده
إنتي أمي
أيوة أمي
وإنتي ليكي
الحق وحدك
في الإمامه
صدقيني
دول لمامه
ياما ع الراس
دق طبل
بس ما طارت
حمامه!
والتاريخ شاهد
بإنك
لو تموتي
يبقي دا يوم القيامة
والتاريخ شاهد بإنك .. لو تموتي .. يبقي دا يوم القيامه !!
الشاعر/أشرف الشناوي
البرامون _ المنصورة
