جارى التحميل
استخدم زر ESC أو رجوع للعودة
خيال عاشق
============= بقلم عونى هشام
الجمال لقيته فيكى
بس وحدك
والهوى طير ضفايرك
ليه وواخدك
والنعيم اللى فى قلبى
بس ليكى
واغير عليكى م النسيم
لو طال فى خدك
------------------------
انتى مين فى الجنس
قولى يا ملاك
كل من حبك اكيد
مجنون او صابة هلاك
انتى كل الحب فيكى
والحُسن دوم باين عليكى
عقلى من فكره معاكى
عمره ما فكر سواك
----------------------
الجمال شفته بعينيه
مستحيل انتى صبية
انتى م الجنة حورية
انتى قدرى او نصيبى
كل نار بتزيد لهينى
حتى شوقى ليكى نار
نفسى اطفيها بايديا
الاقى حبى ليكى زاد
-----------------------
الهوى من غير ميعاد
كل دقه فى قلبى مُرة -
شربت كاسه وتركته مَرة
وكل مرة اعود اليكى
اشتهى الشهد اللى فيكى
كل ده راسمه بخيالى
شاغله فكرى ويا بالى
------------------------
من زمان
كان قلبى خالى
لما شفتك قلبى حبك
نفسى تاخدينى
فى حضنك
نفسى اخدك فى العلالى
-----------------
احس بيكى تحسى بيا
يظهر الشوق اللى بينا
وهو ليكى
-- وبس نظرة من عييكى
اتوه فى بحرك
وارتوى من خمر ثغرك
كل دا وحلمته فيكى
------------------------
هو حلمى كان حرام
قلبى مليان بالغرام
والهوى عندى وعندك
جانا بس بدون اوان
نفسى احلم بيك وتحلم
نفسى اشوفك فى المنام
------------------------------
القدر كله بحساب
وكل واحد له كتاب
نفسى اكتب لك حروفى
نفسى امحى معاكى خوفى
ويبقى حب بدون عتاب
وِتبقىِ ليا يا نبض قلبى
نعلا ونعلى الجواب
===============
\\\عونى هشام\\\\
المصدر: ممدوح حنفي
