**ورنيش .. ورنيش** بقلم اشجان سليمان **

ورنيش .. ورنيش
( صورة من الحياة ارتجالة )
كلماتي : اشجان سليمان
-----------------------
ورنيش لميع
لميع ورنيش
تعالي لمّع
اسود وبني
وكل الألوان
لا تبات حزين
ولا زعلان
طب يا عم
بلاش بقشيش
اضحك وفرفش
ورنيش لميع
لميع ورنيش
تعالي نبيع
انا اصلي غاوي
يا اللي انت ناوي
تكتب غناوي
اجمع حروفك
وانسي ظروفك
انا الضاحك
وانا الباكي
محتاج رغيف
وفحل بصل
وجبنة قريش
وعلي الرصيف
أنام في الزبالة
من كُتر خوفي
يجي الشاويش
انا عايز أعيش
ورنيش لميع
لميع ورنيش
تعالي لمّع
قناع مغشوش
ع الوشوش
من غير رتوش
ورنيش ملوش
غير بس لمعه
وان شفت دمعه
ما تسألوش
ضِحكُه اونطة
صندوق وشنطة
شخلل جيوبك
وادفع فلوسك
ورنيش لميع
لميع ورنيش
تعالي لمّع
اسود وبني
وكل الألوان
اصلي ومغشوش
زي ابو لمعه
تسمع كلامه
ومتصدقهوش..!!
تسمع كلامي
هات لك منادي
ورنيش لميع
لميع ورنيش
اضحك وروّق
عشان تعيش ... !!