**يابن الهرم والنيل ** بقلم علي فرج **

يابن الهرم والنيل ...
ـــــــــــــــــــــــــ
يا مصري يا بو الشهامة ،
يابن الهرم والنيل .
يا بو قلب للخير علامه ،
فوق خلّي قلبك دليل .
إصحى وحوش الغيامه ،
ولا تنخدع يا أصيل .
ضاحكين عليك بالعيون ،
والقلب شايل شيل !
في الوش تلقى ابتسامه ،
ووراها دمّك سيل .
بيظهِرولك سلامه ،
وبيضمرولك ويل .
في النور تشوف حب ياما ،
والغدر مالي الليل .
في الصورة سبحه وعمامه ،
بتداري حقد أصيل .
وبتدعي للإستقامه ،
وهيا أصل الميل !
تاكل وتشرب معانا ،
ولا تعترف بجميل .
هيشوفوا يوم القيامه ،
هما واخوهم قابيل .
إيدك في إيدي نبيدهم ،
مانخلّي ليهم ديل .
تعالى نحرس بلدنا ،
من كل خاين عميل .
ونصون هواها وترابها ،
في القلب صبح وليل .
تسلم وتعلى رايتها ،
ويعم فيها الخير .
ونعيش ونحكي لولادنا ،
حكايتها في المواويل ...
ـــــــــــــــــــــــــــ
علي فرج
السبت 31 يناير 2014م