جارى التحميل
استخدم زر ESC أو رجوع للعودة
أبجدياتك ياوطن
أ .أمان وتحرمنا منه أكمنه بقى غالي
والروح بضيع في ثواني
ب.بحبك واسمك منقوش على قلبي
وعلشانك بيرخص الغالي وترابك أفديه بروحي
ت.تاهت فيك روحي وزادت معاك جروحي
ث.ثورة ثابت فيك العلم وضحى من أجله الكثير
كم شهيد وشهيد ابن عالية وسميحة وأم يزيد
ج.جمعنا ياوطن من جديد تحت كلمة التوحيد
يارب جمع قلبنا وانصرنا على اللي فرقنا
وأنت يارب الحسب ونعم الوكيل
ح.حلم أشوفك ياوطن بتنعم بالحرية
وأعيش فيك بأمان وآخذ حقوقي
من اللي ظلمني وجنا علي
خ.خوفي عليك ياوطن من ابن حرام
أشترى وباع في
د.دلوني على اللي راح فيك ياوطن
من الشهامة ووﻻد البلد اللي بيخافوا علي
ذ.ذلوني وحبسوني وضيعوا حقوقي
وخذوا مني وﻻ عطوني
ر.روحي هانت ياوطن
في سبيل الحرية
ز.زينوك لغيري مش لي
وخذوا حقوقي
وستخسروها في
س.سيبوني تعليمي
وحبسوني واعتدوا علي
أصل رخصت ومليش ديي
ش. شوارع كثير اتحرمت
معرفش أمشي فيها بحرية
ص.صريحة ومش هخبي
عليك ضاع اﻷمل واﻷماني
ومبقتش أنا بقيت حد ثاني
ض.ضاع مني شيء وهدور عليه
ومش هايهدالي بال إلا لما ألاقيه
ع.عيني عليك ياوطن والقلب عليك موجوع
راح نبني ثاني من جديد ونعمل للحرية ألف ثورة
حتى لومات مليون شهيد
غ.غني ياوطن على الربابة ألف موال وموال
على اللي قال إنك حصن الأمن والأمان
دا كان زمان لما نمشي بحرية من غير محد يمسك في
وعلى الحجز يرميني من غير ميسأل عليّ
ف.فلول وعلمانية قال هيتحكموا ياناس فيه
أكمني غلبان شقيان مش لاقي ياوطن
لقمة ناشفة ولا حتة طعمية
ق.قاضي طلع فاضي حكم عليّ
ظلمني وكلمة حق متقالت
ك.كفاية ياناس دا وطني غالي
بعت له دمي وأخوية وابن عمي
ل. لموني وحبسوني وقالوا إرهابي
علشان بقول حرية هي كثير ياوطن علي
م.مش هقول غير الحق ياوطن فيك عايش ميت
ماأنا ساكت زي مابتكلم
ن.نفسي أودع الفقر أعيش
أنعم بخيرك ياوطن
وميرحش خيري لحد غيري
ه.هون عليّ يارب العيشة ديه
لما تأذن بتغير وأعيش في حرية
و.وحيد ياوطن أنا فيك بعيش
في وسط الأهل والخلان
مفيش كلمة حق كمان تتقال
ي.ياوطن غالي عليّ
وأغلى كمان من عيني
أفديك بروح ودي كمان هانت عليّ
وفاء غريب
