جارى التحميل
استخدم زر ESC أو رجوع للعودة
رسمتك
رسمتك صوره وحكايه ....
وكأنك باصه فى مرايا ....
وفى عنيكى باين هوايا ...
رسمتك صوره ورديه ...
علشان أنتى أغلى هديه ..
رسمتك أنتى يا صبيه ...
يا كل أيامى اللى جايه ....
رسمتك ولونتك بألوان الميه ....
وقلبك الوانه الحنيه .....
رسمتك وشوفتك بعنيه ...
ودريتك من الدنيا ديه ...
رسمتك بريشه غريبه ...
والوانك كانت عجيبه ...
الوان كلها رومانسيه ....
وبعدها أنا بوست إيديا ....
فى رسمك أنا كنت فنان ...
وعطرك ملى كل المكان ...
عنيكى لونها الخضار ....
وفى وصفك كنت محتار ...
مش عارف لأى الألوان أختار....
قلبك أبيض زى الفل ....
والحب من عنيكى كتير بيطل ...
رسمتك يا أحلى الحبايب ....
وفى حُبك أنا كتير دايب ....
ورده وقطفتك من بستان ....
وعمرى لحُبك أقدمه برهان ....
رسمتك صوره وحكايه ....
بقلـــــــم: عــــــادل الشــــــهـــابى
