**حدوتة حب** بقلم عونى هشام**

حدوتة حب
========= بقلم عونى هشام
حدوته دى واغنية
الحان مليانه حنية
خليك وهاتقرا معايا
حكاية فصولها الجاية
------------------------
وانا ماشى فى مغربية
شفت جمالها بعينية
طار عقلى منى وشت
وريقى نشف م المية
---------------------
جمالها كتير ربانى
والخطوة اه اه يانى
بتميل ولا غصن لبان
ونظراتى رايحة وجاية
---------------------
منين انتى يا صبية
قوليلى وحنى عليا
جمالك ده حيرنى
انسيه لا دى حورية
--------------------
ردت وسمعت كلامها
اه يانى وانا باسمعها
تهت معاها ووياها
وحفظت كمان معالمها
----------------------------
وفى لحظة ووسط زحام
تاهت منى وباتحسر
كان نفسى اعيش احلام
طارت كالعطر مقطر
----------------------
روايحها لسه معايا
ونفسها كمان جوايا
هيمان والشوق غلبنى
كان املى تكون ويايا
----------------------
لا عرفت لها عنوان
ولا هيا باى زمان
لكنى راسمها بقلبى
وليلاتى انام هيمان
----------------------
وبكلم روحى معاها
والحلم كمان وياها
يمكن تقابلنى فى يوم
واسعد لو لحظة لقاها
------------------------
واهو حلم انا بحلم بيه
يمكن فى يوم الاقيه
وهاعيش على املى وحلمى
ولا يمكن افرط فيه
-----------------------
رواية وعشت فصولها
فى خيالى وحتى منامى
واملى ان فى يوم راح اطولها
واسعد بيها فى ايامى
---------------------------
مرسومة فى قلبى وعينى
ولا عمر اليأس ياجينى
وف يوم هاعرف عنوان
دى عقيدتى وبرضة يقينى
دى عقيدتى وبرضة يقينى
----------------------------
\\\ عونى هشام\\\