**لما تكون البلد حزينه ** بقلم نها عبدالله**

لما تكون البلد دي حزينه مش وقته بقى تسألني
ده أحمد واللا مينا ؟؟ ده عسكري مصري كان واقف على الحدود
بيحمي بلدي وبلدك ،، بيحمي أرضي وأرضك
ذنبه إيه بس يموت غدر ،،
كان راجع النهارده لولاده ،، مستنياه هناك ضحكة مراته
والدته قامت من نومها قلبها مقبوض
سألت عليه يا ولداه ،، وإنقبض قلبها أكتر
ولدها مرجعش ،، ضحكة عمرها إنطفت
وقف قلب الأم الحزين ،،، صرخت دم إبني في رقبة مين ؟؟؟؟؟؟؟؟؟؟
إخوان .. مسلمين ؟؟؟؟؟؟؟؟؟؟؟؟؟؟؟؟؟ حرام كل الدم حرام
وإوعوا تقولولي مسلمين ،،، وضحكة أحفادي مين يرجعها مين ؟؟
إتيتموا الولاد وشافوا الهم بدري ،، إنفطر قلبي عليهم
وراح الغلبان إللى كان على الحدود ،، مات راجل بيدافع عني وعنك
يا غبي كان بيحمي أرضك يعني عرضك
صدق إللي قال إرهابي خسيس وإياك تكلمني بإسم الدين
( نها عبدالله )

إ