**تعرف بلدى** بقلم الشاعرة المجهولة**

تعرف بلدى
بقلم ابتسام عوض حسن
تعرف بلدى لا ماتعرفش
هى الدنيا ونور الشمس
هى بكره واليوم والأمس
تعرف بلدى لا ما تعرفش
بلدى إفاده بلدى سياده
بلدى الهوا والنور والضل
وهى القمرة اللى بتطل
تعرف بلدى لا ما تعرفش
هى الخير اللى فى قلوبنا
بلدى حلاوة وجمال توبنا
وقلوب صافية ما بتكرهش
هى اللمه هى الضمة
هى القمرة هى النجمة
ومن غيرها أبدا ما فرحش
تعرف بلدى لا ما تعرفش
بلدى الروح الحلوة الحرة
بلدى الغالية وأجمل درة
وشايلة الحمل وما بتتعبش
هى الحلم اللى حلمناه
هى كرامة وعزه وجاه
بلدى شجاعة وما بتخافش
تعرف بلدى لا ما تعرفش
بلدى عروسة ومتحنية
بلدى شقاوة أحلى صبية
وهى العزم ولا لليأس
هى الخضرة وطرح الشجرة
هى البسمة ووشوش نضرة
تعرف بلدى لا ما تعرفش