**ليه بتكابر** بقلم عونى هشام**

ليه بتكابر
============= بقلم عونى هشام
مغرور طب ليه وتكابر
فى كتير زيك يا خسارة
بس اوع خليك فاكر
الشعر ما عمرة شطارة
----------------------
حرفين لو يوم بتذاكر
هترتبهم بمهاره
هيقولوا انك شاعر
وحضورهم ليك بتذاكر
-----------------------
انا عارف انك شاطر
والحرف معاك يتذاكر
استاذى وبعرف منك
ليه تنسى خليك فاكر
------------------------
خللى الحرف يكون معنى
وهاصدق بيك مش ناكر
انا عندى كتير وهاكمل
وهارسم بحروفى عساكر
-----------------------------
عسكرى حارس لحدود
ولربه دايما شاكر
والتانى من اصل جدود
لفرضة دايما ذاكر
-------------------------
بالحب تعالى نعلم
وتحارب طاغى وكافر
نفرد ايدينا ونسلم
بالحب معاك ونعافر
---------------------
علشان نفضل بامان
والرحمة كمان لابو حافر( الحيوان)
مهما يزيد الحرمان
الحب هايفضل ساتر
----------------------
ونقول لبنى الانسان
ليه بس انت بتكابر
لو عمرك طال بزمان
القبر اليك اهو ناطر
----------------------
غلبان يا بنى الانسان
عايش يومك ناسى باكر
إَحِسِن فى لقى الرحمن
اياك تنسى .. تموت كافر
=============
\\\عونى هشام\\\