محمد قنديل " رحله سياحيه "

رحله سياحيه

===========
من يومين طلعت رحله
بين الكواكب والنجوم
قلت أريح نفسى حبه
من المشاكل والهموم
أخدت شنطه صغيرة
فيها لقمتين مع لبس عوم
ولو إنى معروف ع الشواطىً 
ع البر فى الرمله بأعوم
بس برضه الحيطه واجب
والمنظرة بتحتاج هدوم
أول سحابه ركبتها
أتاريها رايحه المشترى
قلت فرصه مكان بعيد
وأكيد رخيصه التذكرة
مش بخل أو قلة فلوس
دا أنا عيبى هو البعتره
فجأه حرالشمس زاد
والسحابه مطرت
ووقعت منها مابين جبال
وشى وهدومى إتعفرت
وحاجات فى جيبى إتكسرت
وموبايلى ضاع
فى الضلمه حسيت بالضياع
الاًرض فين ؟ ها أرجع منين ؟
ولآمتى ها يطول الانتظار؟
وحشتنى دوشة حيينا
لعب العيال وخناق كبار
شكلكم صدقتوا قلمى
ذنبكم دا كان هزار
محمد قنديل