جارى التحميل
استخدم زر ESC أو رجوع للعودة
أبدأ كلامى ببسم الله
وصلاه وتحيه لنبينا
ومهما كان بعد المسافات
مشتاق أزورك يامدينه
لو ماشى أو راكب رهوان
أو سطحونى على سفينه
وندر لو جيتك هاوفى
وأدبح كده حاجه سمينه
ما أنا أصل شوقى مكدرنى
ومفيش علاج ها يصبرنى
وجفا البعاد حاجه مهينه
يا أرض طاهرة بجثمانه
وعاشرتى فرحه وأحزانه
وهواكى لامس وجناته
وسماكى حملت دعواته
بالله عليكى تنادينا
نصلى فيكى على نبينا
ونبوس مقامه ومحرابه
ونزور معاه كل أحبابه
ونقول له ع العهد محافظين
يا رحمه من رب العالمين
وهدايه للعاصى ما بينا
وبشير شفاعته تطمنا
وواخد بإيد كل التايهين
وإن يوم أساء فهمك جاهل
بحنان ورفق بتتساهل
وبحكمتك آمن ملايين
ياطبيب دواك أمر آلهى
بآيات أوامر ونواهى
وحديث عطر فسرت الدين
وقلت للدنيا بحالها
بالعدل نصلح أحوالها
والرحمه من شيم الصالحين
ولسه ناس من حقدها
ولوثه صابت عقلها
بتسىْ اليك من غلها
حاسة بضآلة حجمها
وعاوزه تشهر نفسها
وأهو بكره جاى ومش بعيد
ربك كبير هايذلها
وهاتبقى عاد أو ثمود
والعبرة ليهم إبرهه
محمد قنديل
