** أرجع ياواد** بقلم عبدالواحد محمد**

....... أرجع ياواد ............. عامى ..... بقلمى عبدالواحد محمد
أرجع ياواد يالى رحت على البعيد
أرجع ياواد يازرعتى ومحصدتهاش
أرجع ياولدى دهرى أنحى والعمر راح
وأنتى أتسرق عمرك وراح بلاش
أرجع مراتك مستنياك تبتسم تنظر لها
وأبنك كبر واللى مصبرنى أنتى موت وهوه عاش
بنتك ونيسه كبرت وبتجرى مع العيال
بتشوف صورتك ودمعها على خدودها
وتقول ياربى ليه أبويه خرج مجاش
وأمك حزينه وقلبها مليان أهات ووجع
يازهرتى المقطوفه وفارقتنى ومحضنتهاش
أرجع ياواد يالى عمرك راح هدر وضاع بلاش
....................................................
أبنى وضنايه وعكاز الزمن ضى عينى
فرحى وأملى اليوم بنتظرك تعود
رايح ببسمه وودعتنى وقلت جاى
لكن ماعدتش ورجعت فكفن
قالو كلمتين أبنك مات أبنك شهيد
ضحى بدمه فدى الوطن
أه يابنى الطلق صابك حطم عظامك
مين اللى قتلك وأيه اللى نابك
والنعش لفوه بالعلم
والكل فاتنى للحزن وحدى والآلم
ومش مصدق أن ضنايه مات بالعجل
أه يامصر يالى لجمتى السان
أبنى مات وبيفدى أرضك والنهايه
حد تانى من غير تعب حصد وباع
وقبض الثمن
اللى قاتلك لسه حر وكام سنه راحت
وعدت وماسمعنا عنو حس أو خبر
اللى قتلك أنفك أسره
وأنا أنكسرت وعمرى رايح على العدم
أرجع ياواد وخد بحقك ممن ظلم
ولا أقولك مع السلامه والحساب يوم الحساب
وربنا قادر يرجع الحق ممن قتل ومن غدر
...............................................
كلمات الشاعر
عبدالواحد محمد