جارى التحميل
استخدم زر ESC أو رجوع للعودة
انا فقير
=========
فقير والفقر مايعيبنيش
ما تجرحنيش
لو الفقر لقوا له علاج
وأنا مقصر ماترحمنيش
أنا للفقرمش غاوى
وياما صرخت فى غناوى
وأقول له أرحل ما يسمعنيش
وياما كان مابينا عتاب
وأقول مجهودى يشفع لى
ألاقى الرزق جاى بحساب
وما يكفيش
ألوم نفسى واعتتها
وبإلاشغال أشتتها
وأقول لسه ما تعبتيش
تقول حاول دا شىْ مرغوب
وتعبك خف عنا ذنوب
لكن أوعى تكون ناقم
ودايما أرضى بالمكتوب
وسيبك م إللى بيعايرك
دا بيدارى بكلامه عيوب
وقولها له وما تخبيش
لو الاحوال دى بتدوم
كانت دامت مع غيرك
ولو بيا صحيح مهموم
ساعدنى بحبه من خيرك
وكن عادل
مدام الحظ ما نصفنيش
وخد ايدى ولو ع الهامش
معاكوا أعيش
ما تجرحنيش
محمد قنديل
