جارى التحميل
استخدم زر ESC أو رجوع للعودة
الدين لله
==========
وحماية الدين هو أتولاه
وما سابشى النفس الآمارة
تتسيطر على خلق الله
وما دمتم أعلنتوا حماكم
بالعافية وأصبحنا رعاة
من حقى أشك فى نواياكم
وكلامكم أيه اللى وراه
================
سرقونا زمان بأسم الوالى
وسابونا من الفقر نلالى
وقالولنا الجنة ها ندخلها
طول ما أحنا حافيين وعراة
==================
دلوقتى جايين بأسم الدين
تغرونا بنهضة وملايين
وبخبث التعلب خليتوا
البلد أتقسمت نصيين
بكرة الآيام ها توريكوا
وها تقطع دابر أهاليكوا
والثورة هايكمل مشوارها
والسجن ها يفرح قوى بيكوا
محمد قنديل
