**جواز سفر ** بقلم عبدالواحد محمد**

,,,,,,, جواز سفر ,,,,,,,,,,,, عامى ,,,,,,,, بقلم عبدالواحد محمد
جواز سفر بيه بتعبر الحدود
بين الدول مش مستباحه
العيشه مره وكلنا كان حلمنا
جواز سفر وف فكرنا الغربه راحه
الغربه مره والشباب فى الدول
كرمتها متهانه ومستباحه
جواز سفر فيه أختام على الورق
الصوره واضحه سفرنا كان القصد منه
هدمتين وجزمتين وكام جهاز وده بصراحه
هوه حلم كل شاب السفر كاس العذاب
الغربه والضياع ترك الصحاب ولا كلامى
البعض منكو بيعتبرو قباحه
فت دارك والحبايب فت ناسك والحبايب
فت ضلك وحضن أمك ودفى أبوك
وبعد فتره عرفت أنك كنت خايب
بعت أرضك عوزتك سند زمانك
وحق ربى دى نطاحه
جواز سفر كلمه وملعونه كلمه سفر
كلمة فراق عن حضن الوطن
تشرب مهانه جوى بلدك
أحسن مترجع فالكفن
وأنا قلتها ومش هقول الاالصراحه
أه يابلدى ليه ولادك دورين
فى الموانى شافو العناء متبحترين
ليه دموعهم مليه عينهم والدموع متحجرين
ليه يا أم مين يضم ومين يواسى الحياره
المجروحين دول كلمتين وبعدهم أنختم
جواز السفر وكلنا مروحين
,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد