**, ميهمنيش ** بقلم عبدالواحد محمد**

,,,,,,,,,,,,,, ميهمنيش ,,,,,,,,,,, عا مى ,,,,, بقلمى عبدالواحد محمد
ميهمنيش دوس أضغط ع الزناد
بينى وبينك خطوتين ومش بعاد
قرب كمان أنا صدرى مفتوح
أنا كنت ورده فى غصنها
لكن بخسه قطفتها وهدمت بيتى
شردتنى أنا والولاد
بنتى اللى تحت القدم لماتموت
حيخلدوها أما أنتى بعد شبر
حتتمحى ولاتتذكر بين البشر والعباد
ميهمنيش دوس وموت فرحتى
وأقتل معاها حجات كتيره منها البرائه
والطفوله والسلام والوداد
جحدين وملعونين ومكرهوين لاكان
ليكم ذكرى ولاتاريخ ولا أمجاد
ميهمنيش دوس وأضغط ع الزناد
,,,,,,,,,,,,,,,,,,,,,,,,,,,,,,,,,,,,,
ياكل عربى وكل حر فين لسانك
ولالسانك أنقطع ولاسافر على البعاد
وفر دموعك لما دورك يجى وتنحسر
على زهورك وحلمهم لما يتسرق
وتخدو أيد بغدرها من غير رجوع ع الضباب
وفر كلامك والمسكنه والنهنه ده كلامك
بقى كاس مرار زى طلب من غير جواب
ميهمنيش ولا وقفتك ولا سلاحك ولا رصاصك
اللى فى قلب الطفل صاب
أسمع ياعصفورى الجريح الحبيس جوى القفص
راح يجى يوم فيه الفرج وتطلع الشمس
تدفى وتدخل ورى كل باب
أسمع يا أقصى لسه الحبيس ما طلع
والشعر الآسمر أنعدم وكله شاب
راح الشباب والرجال أتفنت وبيظهرو زى غيمه
فى يوم شتا كاسى السواد
ميهمنيش أن أترمل ولا أثكل فى الضنى
كله يهون علشانك يا أقصى نادرين الولاد
ميهمنيش دوس وأضغط ع الزناد
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات مهداه لكل أمرأه وطفله بفلسطين
بقلم الشاعر
عبدالواحد محمد

إ