كلمات: محمد فتحي عبد الغني " أغنيـــــــــة إنتي مين "

أغنيـــــــــة

إنتي مين
ــــــــــــــــــ
إنتي مين ياللي توهتيني مين
ساعات أحس إني مالكك
وساعات أحس إني حــــزين
ساعات أشـــــوفك قريبة
وساعات ألاقيكي متغربة
وساعات يدوبني الحنين
إنتي مين إنتي مين
ـــــــــــــــــــــــــــــ
ياما خاصمت قلبي ومشاعري
ياما شوفت دموعي سيل
وألوم ف قلبي ع اللي حاصلي
إزاي يحبك ويعيش ف ليل
إزاي يقــــرب من القمر
إزاي يغيــــر ف القـــدر
وإنتي حبك مستحيل
إنتي مين إنتي مين
ــــــــــــــــــــــــــــــــــــــــ
قريت كتير حواديت وشعر
وعرفت ف الحب العجب
ملكة وفقير عرفوله سعر
والناس ماتعرفش السبب
الناس ماتعرفش الحنان
الناس تقول كله جنان
والدنيا ماشيه محلك سر
إنتي مين إنتي مين
ــــــــــــــــــــــــــــــــــــ
كلمات: محمد فتحي عبد الغني
بتاريخ:23/1/2015