حلم
------------------
تعبت واتمليت هموم
ومن الفكر جفانى النوم
طاير مابين الغيوم
فى الفضا مسكت النجوم
عشت فى وحدة غدارة
لا جار بيسأل ولا جارة
بين ناس قلوبها جبارة
تشبة حديد ولا حجارة
وبين ناس الكزب ماليهم
والغدر اصبح سمة فيهم
وبيعرفو يدارو جواهم
ولا بيبان مرة عليهم
بنظرة بتدارى حقيقة
وبسمة تشوفها كدة بريئة
وممكن تكون ضحكة جريئة
وعندهم الف طريقة
تخلى قلوبنا تهواهم
ونحبهم نخلص ليهم
تعبت كتير م الغش
وناس فى كل ساعة بوش
تعبت ياناس ما اقدرش
اسكت بينهم ما اتكلمش
ولا عارف اعيش وياهم
كمان ست انا حبيتها
اخلصت ليها فى عشرتها
بعطفى وحنانى رعيتها
باعتنى وهجرت بيتها
سابتنى وراحت ليهم
هتقولو مجنون رايح فين
هتعيش فى السما مع مين
دة مافيش فيها بنى ادمين
خليك هنا وانسى اللايمين
وبلاش تكون ذييهم
راح اقول وحيد عند القمر
اعيش نهارى وليلى فى سهر
بس ابعد عن البشر
مهما يكون حكم القدر
افضل ما اعيش هنا وياهم
وصحيت على صوت بيندهلى
طلع النهار وبدء عملى
ضحكت على حالى ونفسى
اللى شوفتو دة كان حلمى
اللى جانى فى منامى
---------------------------------------------
بقلم \ سعيد ابو سالم
--------------------------------------------
