بقلمى .. رمضان عزوز " "الرحيل" "

قصيدة .. عاميه

للشاعر والأديب رمضان عزوز
"الرحيل"
إنتِ وانا 
قصة غرام 
قصة هيام
والليل تالتنا يضمنا
والليل بيشهد حبنا
والليل بيشهد همسنا
إنتِ وانا 
كنا هنا
ياما كتبنا ع الشحر
ياما هربنا م البشر
من عين حسود
شافت غرامنا وعشقنا
انتى اللى بعتى حبنا
اتى اللى خنتى عهدنا
انتى اللى بعتى مش أنا
عهد الهوى 
ضاع مننا
لما الطريق
تاه مننا
ضيعتى ليه
عهد الهوى
لو تندمى طول السنين 
إيه راح يفيدك م الندم
غير الاسى غير البكا
دا الوقتى صار بنا سدود
دا الوفتى إيه
ما عدشى فيه
انت وانا
ماشى فى طريق
غير الطريق
مكتوب علينا نفترق
زى الشموع ما بتنحرق
بقلمى .. رمضان عزوز