جارى التحميل
استخدم زر ESC أو رجوع للعودة
مكتوب
بقلم ابتسام عوض حسن
مكتوب عليا الوجع
يا دنيا إنسينى
قلبى خلاص إتنزع
ومليت بكى عينى
عمرى ما رويت ضلوعى
ولا شدت قلوعى
عطشان طول سنينى
يا اللى رميتوا الودع
وشوشت مانو نفع
وجروحى تلاقينى
كبرت حزنى كبر
لملمت شنطة سفر
مكتوب على جبينى
أعيش غريب فى مكانى
ويضيع طريق عنوانى
يا غربه دفينى
أزرع بذور الود
ألاقى مر يهد
وكاساته تكوينى
عجبى عليك يا زمان
شايل بكى وأحزان
ومنهم بتسقينى
إبعد بعيد يا ضباب
عايش بدون أحباب
واخد فى حضنى سراب
يا جروحى سامحينى
