**مونولوج ديوتو** بقلم الشاعر عيسى عبد الرؤوف**

**************** مونولوج ديوتو*****************

يللى غرامك لخبطنى
وجعلى راسى ومرمطنى
كل لما أشوفك قدامى
شكلك وحش بقلب بطنى
..................................إسم الله عليك وعلى شكلك
..................................كفايه قرفك ومشاكلك
..................................قاعد تهطل على نفسك
..................................شوف أكلى كده بقه من أكلك
حلوه وغرامك حيرنى
وبدعى ربى يصبرنى
وأمشى وراكى فى جنازتك
إن شاالله ربى يجبرنى
...................................بدوخ حبيبى لو أبوسك
...................................يارب ترماى يدوسك
...................................وأعيش وأتهنى من بعدك
...................................وأصرف أنا كل فلوسك
حبك ياروحى عامللى جنا
وخيبتى معاكى بالألوان
يارب أشوفك مسمومه
ويقرصك كده ميت تعبان
...................................حبيبى حبك لوعنى
..................................ديماً بخيل ومجوعنى
..................................بدعى عليك من كل قلبى
..................................يارب إقبل وإسمعنى
ياخواتى تدخللى الأوضه
لابسه لحاف كده ع الموضه
عفريته جايه تخوفنى
شايف معاها سنين سوده
..................................ياريت بقه ترحل وتسبنا
..................................وهو دا بس طلبنا
..................................فقرى تملى من يومك
..................................ومكتوب على وشك شطبنا

===============================

الشاعر عيسى عبد الرؤوف