جارى التحميل
استخدم زر ESC أو رجوع للعودة
**** أنتى فاكره ********
**********************
أنتى فاكرة و لا ناسية
أن حبى جوه قلبى
أسمـه أنت وبين هواك
طيب تعالى افكرك
وهاتى تتوه بين عنيه
وايدك تمسك ايديه
وأسألك كام سؤال
فاكرة لما كنت معاكى
تحت النجمة وأنتى سمعتى
صوت عصافير الحب تنادى
على قلوبنا
فاكرة كلامك
وقت هيامك
كان عامل أيه
شاكلك ناسية أكيد ناسية
فاكرة الحلم اللى كان بينا
اللى طير النوم من عينا
أيوه الحلم اللى حلمناه
لما الشوق وحد شفايفنا
كنتى ساعتها ملاك جميل
وكنتى الضوء بظلام الليل
لما عيونك تلمس عينى
كأنى شربت من نهر النيل
كان بينهم حروف كلام
عيشنا فيها أحلى غرام
لحد ما الشمس طلعت
وقالت لينا بالعيون سلام
يالله افتكرى يابسمة عمرى
يا أحلى شئ جوه فى قلبى
قولى فاكرة وكلمينى كلمتين
على الحنين اللى عاش سنين
أوعى تكونى ناسية كل شئ
وتسبينى أعيش غريق
وأنتى اللى ليأ أجمل رفيق
طيب فاكرة عنوان قصيدتى
اللى اسمها عنوان حبيبتى
فاكرة ولا اقول حروفها
قولى فاكرة وخلصينى
وكلمينى وفهمينى ليه كده
سيبانى اعيش عزابى
واحضن كل نارى
وأشتاق مرة تقولى فاكرة
******************************
بقلم \/ محمد لبيب مصيلحى
