**ليه العتاب ؟؟؟**بقلم / رمضان العلالقة**

ليه العتاب ؟؟؟
********
ليه عتابنا
و كل لحظة تمر بينا
زي ريشة و هي
ناقصة م الجناح
كل الحاجات أخدها
مني الزمن
دفعت عمري
و كل جرح كان تمن
راح الوقت كله
فوق محطة انتظار
ليه العتاب ؟
كنت بحلم و كل حلم
معاكي خاب
كل الأحلام عاشت
و ماتت بين سراب
كل حلم معاكي خاب
عملت إني طبيب جراح
و طول الليل أداوي جرحي
الجرح ما بطل نواح
كل الحاجات مكتوب عليها
تروح و تمشي هناك بعيد
و قطرك واقف بين غبار
فوق طريق قاسي حديد
واقف ف محطة ما لوش مسار
و أعيش حياتي بين دموعي
و كل ما تنقص تزيد
بإيه يفيد الاعتذار ؟
اسمعيني مرة أقول لك
باختصار
الريشة سابحة
مكتوب عليها تعيش
حياتها فوق رياح
مرة تحوم فوق شط مية
و مرة تحوم فوق تل نار
****************
بقلم / رمضان العلالقة