**مساكين** بقلم عدنان **

مساكين

بعد ما مرّت سنين
و بعدما داب الحنين
بعد ما شاخ الأمل
وعشت العمركلّه حزين
سألت روحي عن حالي
وليه ما رحتيش من بالي
وليه قلبي لسّه مشتاق
ليكي يا قاسية وناسياني

قالت لي روحي ليه محتار
دا العمر كلّه عمار و دمار
نهرب من قدر قاسي
نلاقي نفسنا في النّار
و نار الحبّ ما تهدا
مهما يبعد المشوار
ده الحبّ لعنة ازليّه
القلب فيها اللي يختار

انا وانت يا نور عيني مساكين
بنحبّ لكن مش عارفين
مين فينا بيحبّ مين
و مين فينا بيظلم مين
ده القلب في الحبّ أعمى
و كتير أحباب بقوا مجانين
خد بالك من نفسك واجري
كلّ اللي حبّوا بقوا مساكين

عدنان