وائل العجوانى " بتحبنِّى .. ؟ !!"

****** بتحبنِّى .. ؟ !!
ضحكتِّنى .. ؟!! ******
بتجبنِّى .. ؟ .. !!
ضحكتِّنى .. ؟ .. !!
مين اللى قال ..
إن الهوى هجر وقسى ؟
مش مستعدة
أتحب لحظة
وباقى عمرى .. أتنسى؟
شكراً ياقلبى ..
على الغرام الحلو ده
لكن انت فعلاً
بالغرام دا كسرتنى ..
بتحبنى ..
ضحكتنى؟
*
حسستنى ..
ان الغرام والحب نزوة
وانى ف عنيك وايديك
يدوب ياحبيبى لعبة
وان كنت فعلا دايبة فيك
ووهبت احساسى إليك
فانا النهارده ..
للحب رافضة ..
متقولشى تانى .. عشقتنى
بتحبنى .. آه
ضحكِّتنى ؟ ؟
*
جايلى .. ودموعك .. ماليه عنيك
طالب حنانى .. ورجوعى ليك
وكأنى أنا اللى جنيت عليك
مش أنا اللى طول عمرى اشتريك
تحرمنى حبك .. أسأل عليك
دلوقتى نَفسى صعبت علىَّ
كفاياك يا حبى ..
غدر وأسية
مين اللى قال ..
انى ارضى اكون
لعبة ف ايديك
بعد ما جرحك .. ذلِّنى
بتحبنى ؟..
ضحكتنى .. !!
*
جهزِّتلك .. شنط الفراق
خدها وروح
حرام يكون ثمن الهوى
غدر وجروح
كل اللى كان .. مدَّارى بان
ولقيت هواك زى الزمان
غدار وقاسى ملوش أمان
لو كنت حاسيت اللى أنا
قاسيته ف هواك
كنت أكيد ..
عذرتنى ؟
بتحبنى .. آه
ضحكتنى ؟ّ!
أغنية /بتحبنى .. ضحكتنى
كلماتى / وائل العجوانى /مصر