افضل ما كتبت ومن اعماق القلب
انا اية من المعاصى عملت
واللة قصادها يا ما وقفت
ورفضت كبائر وبصراحة تعبت
ما انا مش نبى
ولا ملاك بالوحى نزلت
ومع ذلك لا مديت ايدى
ولا بكلمة اتجرات
ولا لحد بطرف عينى نظرت
عشت عمرى جنب الحيط
ولا مرة علية خبطت
تقسى الدنيا عليا
وعليها يا ما صبرت
عمال اعافر فيها
عمال يعدى الوقت
كل يوم بكبر
كل يوم بدبل
ولا يوم مليت وزهقت
حابب اعيش فى حالى
مقفولة عليا دارى
لحد يضايقنى
ولا مرة اضايق حد
موجك يا دنيا شديد
والعوم فيكى صعب
عايز نفس طويل
والنفس عايز قلب
يساع كل همومك
وهمومك مش عالقد
انا اية من المعاصى عملت
نويهى…
