بقلـــــم: عـــــادل الشــــهـــــابى " فى بلدى "

فى بلدى
فى بلدى بيهزنى صوت الآذان ...
وبيهزنى أجراس الكنائس كمان ...
مسجد وكنيسه شايفهم جيران ...
مسلم ومسيحى أهل وأخوان ...
فيكى يا بلدى بيُحترم كل الأديان ...
ومن الحُب مفكيش حد عطشان ...
وبين ولادك محدش بيبات جعان ...
فيكى ولادك جمب بعض عايشين ....
مبيفرقش بينهم أختلاف الدين ...
فى رمضان أخواتنا المسحيين لينا مهنيين ...
وفى حُبك يا بلدى مجتمعين ...
لو عليكى خطر الأذان والأجراس مع بعض شغالين ..
يا مصر تكوينك غريب ....
حب أهلك لبعضهم عجيب ...
قولنا كتير وندينا بالوحده ....
قولنا مسلم ومسيحى إيد واحده ...
يا مصر انتى والله فى أمان .... 
وذكرك ربنا فى القرآن ...
وقال أدخلوها آمنين ..
مسلم ومسيحى فى رباط الى يوم الدين ...
فى بلدى بيهزنى صوت الآذان ...
وبيهزنى صوت الأجراس كمان ..
بقلـــــم: عـــــادل الشــــهـــــابى