جارى التحميل
استخدم زر ESC أو رجوع للعودة
الدنيا مخصمانى
حاسس أن الدنيا مخصمانى ....
ماشيه فى طريق ومبكيانى ....
حد يقولها ليه معندانى ...
وليه الفرح راح ونسانى ...
وليه الحزن عرف مكانى ...
يا دنيا مالك فيكى إيه ...
الطيب ليه بتبكى عنيه ...
وليه واخده الحزن وراحه عليه ..
كفايه خصام وصالحينى ...
وفرحينى بدل ما تبكينى ...
بسألك ليه وليه وليه ؟....
كل سؤال أسأله لازم تجاوبى عليه ....
أنا اللى زرع الحب يا ناس بأديه ..
زرعه وليه مالحقش يجنيه ؟....
يا دنيا تعالى وصالحينى ...
ومعاكى بقا تحلى سنينى ...
يا دنيا بحُبك غطينى ....
وهنينى بدل ما تلومينى ...
أنا اللى عملت علشانك كتير ...
وأتمنى منك بقا التغيير ....
عاوز أحس فيكى بالأمان ...
عاوز أحسن أنى فيكى إنسان ..
بلاش بقا يا دنيا عناد ...
وقرب يا فرح وبلاش بُعاد ...
بلاش بقا تخاصمينى ...
وبلاش كمان تبكى عيونى ..
بقلــــــم: عـــــادل الشـــــهــابى
