كلمات مروان نجار " يا دنيا عذاب "

يا دنيا عذاب
عيشتينا أمل كذاب
ﻻ في يوم بصت عنيكي علينا
وﻻ في يوم بأديكي ريحتينا
ديما هموم مليانه هموم تشيلينا
وكل يوم
جرح جديد وآهات وكوم تنهيد تهدينا
ومن ايد ﻷيد مش عارف ليه بتحدفينا
مين فينا يا دنيا مش عايز يعيش
مين فينا يا دنيا مبكتيش
ليه بتدي وبتوزعي
ولما تدي بتفرقي
ولما ييجي الدور علينا بتغمضي
ياما حلمنا بيكي
وعلى طول بننده عليكي
لكن مبتسمعيش
حرام عليكي
دموع وﻻدك مش غاليه عليكي
مبترحميش
حسي بينا
مين غيرك لينا
عيزين نعيش
متفرقيش
ده الشهيد منا وفينا
واحنا الغلبنين
عمال وفﻻحين
ليل نهار تعبنين وشقينين
وفي الطين غرقنين
وغيرنا
ياكل لحمنا
يشرب دمنا
يفاوض باسمنا
كأننا انخلقنا علشان يعيش
العدل فين
الحق فين
قولي يا دنيا
متتكسفيش
كلمات مروان نجار