**صدقيني*** بقلم رمضان العلالقة**

صدقيني
*******
صدقيني مات كلامنا
كان مرسوم عليه جراح
صدقيني ما كنت شايف
و بعد ليل يطلع صباح
و كل كلمة كنت خايف
الكلام بينا يموت
السكوت فيه غرقنا
و في حياتنا
اللي بينا كله راح
الحلم كان سكران و نايم
ملفوف ف فرشة
ب ينعشوه
مات الحلم بينا
و الأيام ما يرجعوه
مات الكلام
مردوم عليه من ألف عام
و كان ضحية
يوم ما تاه منا الطريق
عمري كان مسجون في آه
و احضن دموعي بين اديا
و همي كان أوفى صديق
و افترقنا
و كل واحد خد طريق
راحت همومي
المعبد أصبح كوم ركام
ما عدش في المعبد سجود
صدقيني
اللي مات ما راح يعود
صدقيني كل كلمة
كان عليها ألف آه
و كل همسة
كان عليها كوم دموع
صدقيني
عن كلامنا قلبي تاه
صدقيني
القلب مات ما فيه رجوع
****************
بقلم / رمضان العلالقة