**,بدور عليها ** بقلم عبدالواحد محمد**

,,,,,,,,,,,,بدور عليها ,,,,,,,,,,,,, عامى ,,,,,, بقلم عبدالواحد محمد

بدور عليها ومش لقيها
البسمه راحت والدموع
سكنت عنيها
بدور عليها فرحه راحت
من زمان والسواد ملى
نهارها وضحاها
أه ياعمرى اللى عدى
وراش بلاش
أه يادم سال وخلص
الرمل شربه وبلاش
الشهيد صرخته تحت التراب
لما قاتله بدم بارد داس على قبره
بقدمه وقاله روحت وانا باقى
عمرى أنا لسه باقى ما أنتهاش
أه يابلدى بيخطفوكى غدرينك
المحسبيه والبلطجيه قتلين ولادك
وبرصاصه كنت بحمى بيها ترابك
يسرقوها ويقتلونى ومش كده
بس حزنى أن دمعك ده اللى صابك
من يناير صبرونى وقالو
حقق والله جاى
راح يناير ويناير واليوم يناير فمعاده جاى
وهيعملو أجمل حفله
وينسو حقى اللى ضاع
والخداعين بيحصدو ف الكراسى
وبعدها الكل ينسى منا أبويه
نسى حقى بالخداع
والبرلمان راح تملكو تانى العصابه
والثمن دم الغلابه
واللى بكلمه أو رغيف أوبهدمه
يملك زمامه والغلابه فى الضياع
أه يابكره لما تيجى هتلاقينى
وتوسينى بدمع عينى
النهايه كلمتين بيهم يواسو
والحرامى بقى الشريف
والناس بتعدعى الله يعينو
البرلمان باقيلو شهر ويتفتح ببانه
نفسى تملاه الشباب
نفسى تنطرد منو الكلاب
نفسى يتناقش فيه كل الصعاب
نفسى افرح لما أسمع أن طلباته تجاب
لما يطلب أن الحرامى سارق قوتنا
يتسجن تلقى قوام طلبه مجاب
نفسى فبرلمان حقيقى
مش كلامنجيه وخلاص
نفسى فكلمه أى عضو تبقى طلقه رصاص
نقضى بيها على كل خاين باع لدم أغلى ناس
أه يا ام الشهيد نفسى تكريمك بحق
مش بكلمه جوى سطر فى جواب
والجواب فى أيد أمينه والحساب يوم الحساب
برلمانك يابلدى يارب يكيد الاعادى
ونفتخر ونقول تعيشى يابلادى فالآمجاد
بدور عليكى ياكلمه حق تعلى شأنك ياوطن
واليوم أمانه نتحد على على كل طامع
كل خاين كل قاتل للولاد
تعيشى حره يابلادى من سؤال أو جواب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد