جارى التحميل
استخدم زر ESC أو رجوع للعودة
حكايه طلاق
هو
زهقت خلاص انا منك
ياريتني ماكنت يوم شفتك
خنقتيني بكلام امك
خربتي البيت
هي
وانا برضه زهقت خلاص
وعشت معاك مفيش احساس
راجل بالاسم ويايا
بقيت فرجه خلاص للناس
هو
سنين عايش معاكي حزين
مايوم فرحتي مره العين
وكنت اشقي عشان خاطرك
وتعبي يروح لناس تانيين
هي
عشان مره عزمت امي
وعاشت شهر ويانا
تعايرني بلقمتها
وتشكي تقول دابشقايا
هو
انا ماشي وهاسيبها لك
تغوري انتي وعيالك
واسيب الشقه تخديها
حلال ليكي وهنيالك
هي
انا ممكن اسيب هالك
وتقعد انت بعيالك
وشوف من غيري تحتمل
وتفضل صابره علشانك
هو
كتير غيرك هيتحمل
وانا غلطان من الاول
عشان فكرت اتجوز
واحده من شهر تتحول
هي
ياخويا سبني بالمعروف
مع غيري يارب تشوف
حياه تانيه وباتمني
تاكلها يارب خروف
هو
ورقتك بكره توصلك
ونفسي ماالاقي يوم زيك
تنكد عشتي ويايا
ومش نادم وانا سايبك
حكايه طلاق
كلمات
خالد الكردي
