جارى التحميل
استخدم زر ESC أو رجوع للعودة
بنت البلد
يسعد صباحك عسلاية واحلى صبية
ضحكة جنان وشك بشوش عالصبحية
صباح الخير يا مربى و حلاوة طحينية
بنت البلد مليون ولد ما يجوش في وقفة مصرية
بنت الأصول وجمالها فيه حاجة الهية
في بيتها ملكة ترتبه ولا تحتاج اندونسية
تعجن و تخبز والله عليها في الملوخية
متحكلة بكحل الفقرا حشمة ومش متعرية
الكل يحلف بغلاها كانوا الجيران و الأهلية
عيالها ترضع صدرها مش بالألبان الصناعية
وقت الشدايد جدعنة وقت الحنان الحنية
فصيحة تفهم في سياسة و حتى فيلم و أغنية
مش زي غيرها عاملين فكاكا جوة الهدوم متخبية
في أكل المسبك أستاذة مش باللحاف متغطية
الجينز تسمع عنه بس في القنوات الفضائية
وقت الأدان تخشع وتردد استغفار مع أدعية
من 6 تصحى مش نايمة لما العصرية
مابتستعرش من اسمها و فخورة إنها بدرية
مش توتي و نانسي وهيفا بنت البلد احلى هدية
مليون سلام مدح بكلام يا بنت بلدي يا مصرية
صبري شومان
