{ولأنى انثى } الشاعر خالد الكردى

ولاني انثي
عاوزه احبك بس خايفه
اني اجرب اصلي شايفه
الغرام جرح قلوب
يوم بكلمه ويوم بهمسه
نفسي اقول انا محتاجالك
نفسي قلبي ينول وصالك
نفسي لما تغيب شويه
تحسني وانا مشتاقالك
عاوزه اخرج من كسوفي
عاوزه اكسر مره خوفي
عاوزه وانت قصاد عينيه
تقولها وتقدر ظروفي
خايفه لما اقول بحبك
انجرح يخدعني حبك
والدموع تجرح عيوني
واندبح جوايا منك
او احبك وانت تقسي
وافتكر وانت اللي تنسي
وغصب عني اكون ضحيه
ويلوموني لاني انثي
لاني انثي
كلمات
خالد الكردي